2017年10月8日 星期日

人性的弱點

我其中一個老友呢排都keep住同我whatsapp交流,其實字裏間都離不開佢隻愛股8292盛良物流,完完全全係一隻老千股,因為股權高度集中,我就當然無買。貪婪之心我當然有,但喜愛做功課的我一search見到配售價0.3x,就唔敢玩了。佢1.42買,用左五皮野,跟住佢係$2.4加注,贏得多當然愈來愈心雄,到最後我呢位朋友佢合共買了100,000股, 成本大概$1.91即係廿皮。
今日佢whatsapp同我講華晨會入股,我一聽到就覺得是最後晚餐了。俾個dream你去追,散戶當然慢慢咁等,莊家當然開始派貨,散晒貨之後劇情大家都知。今日股價$.21,今日如果下車其實執唔少,但逃得過不是頂,是頂逃不過。

之前看過陸羽仁先生寫過的一本書<對賭>, 裡面他提到如果自己明知是投機或賭博, 就應要以投機或賭博的態度來決定投機方式和注碼。明明知道是投機炒賣(自己不太喜歡投機賭博),目標只是跟風炒一轉,好像坐順風車,搭一兩個站就落車,即使架車開去墳場,都不可以整死你。要留意注碼 ,即使是砒霜,食一丁點你也死不了,每隻炒股不要佔倉位4~5%以上,輸清你也不用跳樓。要定好止蝕,破位就閃,是一種限注快閃的策略,若能夠快速進出這種炒股,即使輸,輸極有限。嚴守紀律,而且要迅速地執行。當然最重要不要將短線當長線,結果在高位買股票,抱住不放,看見股價下跌也不願意沽出,一路說下去結果是墳場下車。

貪婪與恐懼是人性的弱點。

2017年10月4日 星期三

大市氣氛開始熾熱


今日大市氣氛開始熾熱,感覺上大眾信心漸漸回來,什麼股票都升,亦都見到Facebook group既"like" 直線上升。個市開始有啲chok,爆升急跌,甚至於我朋友的媽媽也入市買基金,愈來愈多人搵到快錢,令我想到曹Sir的八號風球預警。要小心了 ! 因為musical chair開始不久便結束,熊市來臨往往大家都不會知道,事後回顧才會知。
我於上個交易日沽出了平保,港交所,1428,執行之前下的策略。沽平保是因為跌穿支持位,如升穿唯有買回。觀察2382個圖,破頂但成交不配合,要小心留意。
之後自己檢討番,牛市策略應該如跌穿支持位減持而非清倉,但大市去到28,500點呢個水平,應該用本金30~40%, 不是大注的時候了。