上星期環球股市屍橫遍野, 持續骨牌式急挫。
上星期五恒生指數早段曾跌逾7%,見逾三年低位,一度跌至22,500點水平,一開市跌至2017年1月初低位。恒生指數開市大跌1789點,以點數計是自2008年金融海嘯以來最大,亦是一個星期內第二次低開逾千點。
美股一周兩度熔斷,道指狂瀉逾2300點,1987年股災以來最大跌幅,杜指上星期收市低見21,200。兩星期差唔多跌左7~8千點。
小弟呢兩星期,不停叫自己冷靜冷靜,需要冷靜係因為怕自己太興奮。千萬不要誤會我唔係幸災樂禍,實情自己都有持股,不過興奮既係終於有機會等到百貨公司大打折扣,可以買平貨了,人生可以有幾多個股災 ? 有認知下, 可能得2~3個 (好命既可能多D)。
幸好自己一直都有緊守Ben. Graham的資產配置建議。 呢個時候有4成Cash, 所以上個星期我一直有增持心儀股票(e.g. Alibaba, AIA, Ping An etc.)。
疫情發展至今,基本上每日99% news都係圍繞住疫情,分析預測blablabla,其實大家都係估,幾時完點會有人知...唯一知既係一定會有完既一日哈哈 ! 既然已經有咁多專家專業人士照顧疫情,我作為一個平凡普通人唯有照顧自己的資產同未來。
尤其身在大跌市,覺得以下大投資家Howard Marks名句特別有味道:
Rule No. 1: Most things will prove to be cyclical.
規則1:世上所有事情必然有周期性
Rule No. 2: Some of the greatest opportunities for gain and loss come when other people forget Rule No. 1.
規則2:當其他人忘了規則1的時候,你最好的機會就來了。