在這一兩年內,我自己感覺同人講睇淡樓市好像是原罪,唔係被人笑就係俾人鬧,大家都二十分相信樓市會繼續升。
其實全球很多大城市的樓價開始回落,例如Toronto (-10%),Sydney (連跌了9個月),Beijing (-15%), London (-18%) 等等,可見自人類盤古初開根本不會有只升不跌嘅資產。
How about Hong Kong? 經傳媒,地產經紀,發展商,每日不停洗腦,香港人腦中好像只有樓市只升不跌的神話。
其實全球樓市這十年瘋狂的上升,不是神話,而是量化寬鬆 x 全球息率接近零的威力。但現在量化寬鬆完結,利率正常化,已經踏入加息周期,合理推斷我們嚟緊面對嘅就係資產價格一切均值回歸 i.e. 回歸合理價格。如果問幾時見頂,我確實冇水晶球可以做預測。但我深信有一日遲早都要還。而最近大陸不停債務違約,相信有一日資金鏈嚴重斷裂嘅時候,佢哋就要賤賣資產或者拋售市場套現填氹。而上述城市包括香港好大可能成為套現對象。
根據Numbeo資料顯示,今日香港樓價的price to income ratio 已經是45.72倍,而gross rental yield 得番1.98%。呢個咩數字話俾我地聽假設annual income無變 (呢度亦都唔討論利息支出mortgage etc),要45年後嘅今日先至供完一層樓。如果將佢睇成一個投資項目,回報率得2%不足,理論上要50年先回本 (1 / 2% = 50),大家要問自己一句真係仲會投資?正如騰訊今年最高見四百七十幾蚊,當時PE一樣都係四.五十倍,竟然仲有好多投資者追入,我諗佢哋而家只能夠問自己一句說話what the hell was I thinking ?
可能有啲人話自住冇所謂,其實我自己最怕聽至呢個原因,但偏偏發展商呢排火上加油,推出新成數按揭(呼吸plan),仲大大聲講免審查、無壓測,真係見到鬼門關大門已開。
上年李嘉誠高價出售中環一棟商業樓宇, 與此同時,最近人稱“舖王”波叔的家族正出售旗下12項物業,市場估計牽涉資金於80億元。另外大鴻輝興業亦都想出售23項舖位及商業大廈總值45億元。 呢一批咁專業嘅企業家/資本家/投資者都出緊貨,年輕人,究竟有咩驅使你呢個時候入市接貨?
既然樓價已升至市民要不吃不喝把所有收入存起來才足以購買一個三四百呎的單位的荒誕水平,根本沒條件長期維持。
泡沫本質是虛幻的,鬱金香如是,TOM.COM如是,97樓如是,不會長期持續,最怕是聽到"這次不一樣"。